முதன்முறை

என் விழிகளை நான் முதன்முறை திறக்கையில்
இருள் என்னை சூழ்ந்திருந்தது
என் கை விரல்களை நான் முதன்முறை அசைக்கையில்
எல்லைகள் என்னை தடுத்தது
தனிமையில் நான் இருப்பதாய் நினைக்கையில்
ஒரு குரல் என்னிடம் பேசுவது எனக்கு கேட்டது
என் உடலில் வளர்ச்சியை நான் அடைந்திட்ட போது
என்னுள் பதற்றமும் தோன்றியது
நான் இருந்த கருவரையை விட்டு பிரிகிறேன்
எப்படி இருக்குமோ வெளியில் என்று
சற்றும் சிந்திக்கவில்லை நான்
வெளியில் என்னை வரவேற்க
அந்த இறைவனே வந்திடுவான் என
என் தாயவள் உருவத்தில்….!!!